أغنية الجيرة والعشرة

الجيره و العشرة

فى كل حى ولد عتره و صبيّه حنان
و كلنا جيره و عشره و أهل و خلان
أميره عاقله فى الحجله , العقل يطير
كانت صغيره بضفيره كان هو صغير
ساعة ما تضحك مع أخوها تلاقيه بيغير
و لما ترفع قلّتهم تلاقيه عطشان
زمانه ماشى بخطوه يضم
زمانها كبرت و بقت أم
زمان جواب جاى لها بيجرى على العنوان
فى كل حى ولد عتره و صبيّه حنان
و كلنا جيره و عشره و أهل و خلان
الفجر بيلاقى المغرب و بييجى و يروح
و الليل يرد على الشارع شباك مفتوح
هنا الرصيف و هنا السلم و هناك يا سطوح
متعلقه كمام النونو فى ديل الفستان
زمانه ماشى بخطوه يضم
زمانها كبرت و بقت أم
زمان جواب جاى لها بيجرى على العنوان
فى كل حى ولد عتره و صبيّه حنان
و كلنا جيره و عشره و أهل و خلان
نحضن ولادنا ولا نخلى حنيه و ذوق
نفرح معاهم و نغنى لقدام و لفوق
يادى العيون اللى بتقرا فى كتاب الشوق
الدنيا خضرا و مش فاضل على بكره زمان
زمانه ماشى بخطوه يضمزمانها كبرت و بقت أم
زمان جواب جاى لها بيجرى على العنوان
فى كل حى ولد عتره و صبيّه حنان
و كلنا جيره و عشره و أهل و خلان

فوأد حداد

NO Comment

رباعيات صلاح جاهين

عندما لا اجد ف الكلمات مايعبر عن بداخلى ادخل الى صومعة هذا الرجل لاعبر عن مكنوناتى بأحدى رباعياته

مع إن كل الخلق من أصل طين
وكـلـهـم بـيـنـزلـوا مـغـمـضــين
بـعد الدقايق والشهور والسنين
تلاقى ناس أشرار وناس طيبين
عجبى!!!

عجبى عليك..عجبى عليك يازمـن
يـابـو الـبـدع يـامـبكى عينـى دمـا
إزاى أنــا أخـتـار لـروحى طريـق
وانا الللى داخل فى الحياة مرغما
عجبى!!!

مرغم عليك ياصبح مغصوب ياليل
لا دخلتا برجليـا ولا كـان لـى مـيـل
شـايلـنى شيل دخلت انا فى الحيـاة
وبكرة ح اخرج منها شايلنى شيـل
عجبى!!!

سنوات وفايته عليا فوج بعد فوج
واحـدة خـدتـنـى إبن والتانية زوج
والتـالتـة خـدتنى أب والـرابعة إيه
إيه يعمل اللى بيحدفه موج لموج؟
عجبى!!!

وانا فى الضلام ..من غير شعاع يهتكه
أقــف مكــانـى بـخـــوف ولا أتــركـــــه
ولـمـا بـيـجـى النـور وأشـوف الـدروب
أحـــــتــــــار زيـــــادة ..أيـهـم أسـلـكـه
عجبى!!!

نظـرت فى المـلكوت كتير وانشغلت
وبكل كلمة (ليه؟)و(عشانيه) سألت
اسـأل ســؤال..الــرد يـرجع ســؤال
واخــرج وحـيرتـى أشـد ممـا دخلت
عجبى!!!

خرج ابن آدم من العدم قلـت : ياه
رجــع ابـن آدم لـلـعـدم قـلـت : ياه
تراب بيحيا ... وحي بيصير تـراب
الأصــل هو الموت و الا الحـيـاه ؟
عجبى!!!

ضـريـح رخـام فيـه السـعيد انـدفـن
وحـفـره فـيــها شريد مـن غير كفن
مــريــت عــليـهم..قـلـت يـاللـعـجـب
لاتـنـيـن ريـحـتـهم فيها نفس العفن
عجبى!!!

يـامـا صـادفت صحاب و ما صاحبتـهـمش
و كاسات خمور و شراب و ما شربتهمش
أنــدم عـلـي الـفـــرص اللـي انـا سـبـتـهـم
و الا عــلي الفـــرص اللــي ما ســبتهمش
عجبى!!!

و الكون ده كيف موجود من غير حدود
و فـيـه عــقـارب لــيه و تـعـابـيـن ودود
عـالـم مـجـرب فــات و قــال ســلامـــات
ده يامـا فـيه ســؤالات من غـيـــر ردود
عجبي!!!

غدر الزمان ياقلبى مالهوش أمان
وحـايـجـى يوم تحـتاج لحبة إيمان
قلبى ارتجف وسألنى..أأمن بإيه؟
أأمــن بـإيـه محتـار بقـالى زمــان
عجبى!!!

يـا بـاب أيـا مـقـفـول .. إمـتي الدخــول
صـبـرت يـامــا و الـلـي يـصــبـر يـنـول
دقيت سنين .. و الرد يرجع لي : مين؟
لـو كـنـت عـارف مـيـن أنا.. كنت أقول
عجبي!!!

سـهـيـر ليـالي و يـامـا لـفـيت و طفت
وف ليلة راجع في الضلام قمت شفت
الـخـوف .. كـأنـه كـلب سـد الـطـريـق
و كـنـت عــاوز أقـتـلـه .. بـس خـفـت
عجبي!!!

كان فيه زمان سحليه طول فرسخين
كـهـفين عـيـونها و خشـمها بربخـين
مــاتت. لكيـن الرعـب لـم عـمره مات
مـع إنـه فـات بدل التـاريـخ تـاريخـين
عجبي!!!

أنا شاب لكن عمري ولا ألف عام
وحـيـد لـكـن بـيـن ضـلوعي زحام
خـايـف ولـكـن خـوفـي مـنـي أنــا
أخــرس ولـكـن قـلـبي مليان كلام
عجبي!!!

أحــب أعـيـش ولـو أعيـش في الغابات
أصـحــي كــمـــا ولـدتــنـي أمـي وابـات
طائر؛ حوان؛ حشرة؛ بشر؛ بس أعيش
مـحـلا الـحيــــاة.. حـتـي في هيئة نبات
عجبي!!!

عـجـبـتـنـي كـلـمـة مـن كـلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنـا كـل قـلـب دخـلـت فيه اتحرق
عجبي!!!

رقـبـة قـزازة و قـلبـي فـيـها انحشـر
شربت كاس و اتنين و خـامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي!!!

كـل الـلى فـى الخـمارة صابهم جنون
صبحوا الرجال يتبادلوا كاس المنون
وبـدم ونـبــيــت انــكـتـب ع الـجــــدار
"يـا مـيـت نـدامة ع اللى قلبه حنون"
عجبى!!!

قـالـوا الشـقـيق بيمص دم الشقيق
والناس مهياش ناس بحق وحقيق
قـلـبى رمـيـتـه وجـبـت غيره حجر
داب الـحـجـر..ورجـعـت قلبى رقيق
عجبى!!!

يوم قلت آه.. سمعونى قالوا فسد
ده كـان جـدع قـلبه حديد واتحسد
رديـت على اللايمين أنا وقلت..آه
لـو تـعـرفــوا مـعـنـى زئير الأسـد
عجبى!!!

بين موت وموت.. بين النيران والنيران
ع الـحـبـل مـاشـيـيـن الشـجـاع والجـبان
عـجـبـى عـلادى حــيـاة..ويــا للـعـجـــب
إزاى أنـــا – يــاتخــيـن – بقيت بهلوان
عجبى!!!

أنا قلبى كان شخشيخة أصبح جرس
جـلـجـلت به صحيوا الخدم والحرس
أنـا المـهـرج ..قـمتـوا ليه خفتوا ليه
لاف إيدى سيف ولا تحت منى فرس
عجبى!!!

دخـل الـربيع يضحك لقانى حزين
نده الربيع على قلبى لم قلت مين
حـط الـربـيـع أزهاره جنبى وراح
وإيـش تـعـمـل الأزهـار للـمـيتيـن
عجبى!!!

مهبوش بخربوش الألم والضياع
قـلبى ومنزوع م الضلوع انتـزاع
يامرايتى ياللى بترسمى ضحكتى
يـــاهـلـتـرى ده وش وإلا قــنـاع
عجبى!!!

حبيت.. لكن حب من من غير حنان
وصـاحبت لكن صحبة ملهاش أمان
رحـت لـحـكـيـم واكـتـر لقيت بلوتى
إن اللـى جـوة القلب مش ع اللسان
عجبى!!!

ليه يا حـبيبتي ما بيننا دايما سفر
ده الـبـعـد ذنـب كـبـيـر لا يـغـتـفـر
ليه يا حبيبتي ما بيننا دايما بحور
أعـدي بـحـر ألاقـي غـيـره اتـحـفر
عجبي!!!

ورا كـل شـبـاك ألـف عـيـن مـفـتوحين
و انا وانتي ماشيين يا غرامي الحزين
لـو الـتـصـقـنـا نـمـوت بـضـربة حـجـر
و لــو افـتـرقـنـا نـمـوت مـتـحـسـريـن
عجبى!!!

نوح راح لحاله و الطوفان استمر
مـركـبـنا تايهة لسه مش لاقية بـر
آه م الـطـوفـان وآهين يا بر الأمان
إزاي تبـان و الدنـيـا غرقــانـه شـر
عجبي !!!

عـلي رجلي دم .. نظرت له ما احتملت
علي إيدي دم.. سألت: ليه ؟ لم وصلت
عـلي كـتـفي دم و حـتي علي رأسي دم
أنا كلي دم .. قتلت؟ ..... والا اتقتلت؟
عجبي!!!

أنـا كــل يـوم أسـمـع .. فـلان عـذبـوه
أســرح فى بــغـداد والـجـزايـر واتـوه
ماعجبش م اللى يطيق بجسمه العذاب
واعـجـب مـن اللـى يـطيق يعذب أخوه
عجبى!!!

ينبوع و في الحواديت أنا سمعت عنه
إنـه عجيب .. و ف وسط لهاليب لكنه
شـقـيـت كـما الفرسان طريقي .. لقيت
حتـي الخـنـازيـر و الكلاب شربوا منه
عجبي!!!

يا قرص شمس ما لهش قبة سما
يا ورد من غير أرض شب و نما
يا أي مـعـنـي جـميل سمعنا عليه
الخـلـق لـيـه عايشين حياه مؤلمة
عجبي!!!

شـاف الطـبيب جرحي وصف له الأمل
وعـطـاني مـنـه مـقام يا دوب ما اندمل
مجروح جديد يا طبيب و جرحي لهيب
ودواك فـرغ مـني ... و إيــه الـعـمل؟
عجبي!!!

أعرف عيون هي الجـمال و الحـسـن
و اعرف عيون تاخد القلوب بالحضن
وعيون مـخـيـة و قاسية وعيون كتير
وبـاحـس فــيــهــم كــلــهــم بـالـحـزن
عجبي!!!

إيـش تـطلبي يا نفس فوق كل ده
حـظـك بـيـضـحـك و انتي متنـكدة
ردت قالت لي النفس : قول للبشر
ما يـبـصـولـيش بعيون حزينة كده
عجبي!!!

إقـلـع غـمـاك يـا تـور وارفـض تـلـف
إكـسـر تـروس الـسـاقـيـة واشتم وتف
قال: بس خطوة كمان . وخطوة كمان.
يـا اوصـل نـهـايـة السكة يا البير يجف
عجبي!!!

يا حزين يا قمقم تحت بحر الضياع
حـزين أنــا زيـك و إيـه مـسـتـطـاع
الـحـزن مـا بقالهوش جلال يا جدع
الحـزن زي الـبـرد .. زي الـصـداع
عجبي!!!

في يوم صحيت شاعر براحة و صفا
الـهـم زال و الـحـزن راح واخـتـفـي
خـدني العجب و سألت روحي سؤال
أنـا مـت ؟ .. ولا وصلت للفلسفة ؟
عجبي!!!

الـفـيلـسـوف قـاعد يـفـكر سيبوه
لا تـعـمـلوه سلطان ولا تصـلبـوه
مـا تعرفوش إن الفلاسفه يا هوه
الـلي يـقـولـوه بيـرجعوا يكدبوه؟
عجبي!!!

عـلـي بــعــد مــلـيون ميل من أرضنا
مـن الـفـراغ الكـــونــي بـصـيـت أنـا
لا شــفت فـرق بين جـبـال و بـحــور
و لا شـفت فرق ما بين عذاب أو هنا
عجبي!!!

إنـسـان أيـا إنــســان مـــا أجـــهـلـك
ما أتفهـك فـي الـكـون و مـا أضـألـك
شمس وقمر و سدوم و ملايين نجوم
و فـاكـرهـا يـا مـوهـوم مـخـلوقه لك؟
عجبي!!!

نـظـرت فـوق للـنـجـوم و انا سايـر
رجـلـيا عترت في الحفر و الحجايـر
بقيت أقول و انا ع التراب: يا سلام
مـش بـس عـبـره أخـذت لـكن عباير
عجبي!!!

- يا نجم .. نورك ليه كده بيرتجف ؟
هـو انـت قـنـديـل زيت ؟ أو تختلف ؟
- أنــا نجـم عـالي .. بس عالي قوي
و كـل مـا انـظـر تحت اخاف انحدف
عجبي!!!

السم لو كان في الدوا .. منين يضر ؟
و الـمـوت .. لو عدونا .. منين يسر؟
حـط الـقـلـم فـي الـحـبر و اكتب كمان
و العبد للشـهـوات .. مـنـيـن هو حر؟
عجبي!!!

وقفت بين شطين علي قنطــــــــــــــــــرة
الكـدب فـيـن و الصدق فيـــــــــــن يا تري
محتـار ح اموت .. الحوت خرج لي وقال
هـو الـكـلام يتقــــــــــــاس بالمســـــطرة؟
عجبي!!!

سرداب في مستشفي الولاده طويل
صرخات عذاب ورا كل باب وعويل
..وفي الطــــــريق متزوقين البنات
متزوقـــــــــــــين للحب و المواويل
عجبي!!!

الدنيا أوده كـــــــــــبيره للانتظار
فيها ابن أدم زيه زي الحـــــــمار
الـهم واحد .. و الملل مشــــــترك
ومفيش حمار بيحاول الانتـــــحار
عجبي!!!

أيـوب رمـاه البين بكـل العـــــــــلل
سـبـع سـنـين مرضان وعنده شلل
الصــــبر طيب .. صبر أيوب شفاه
بـس الأكـــــــــاده مات بفعل الملل
عجبي!!!

نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق .. إنما وحــــــــــــــدها
هي الحياه كده .. كلها في الفاشوش
عجبي!!!

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي!!!

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي!!!

ياللي نصحت الناس بشــــــــــــــرب النبيت
مـع بـنـت حلوه .. وعود وضحك وحديت
مش كنت تنصحهم منين يكســــــــــــــــبوا
تمن ده كله ؟ .. و الا يمكن نســـــــــــيت
عجبي!!!

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا وانتي مين؟
إنتي عروس النيل .. و أنا النيل بذاته
عجبي!!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي!!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح أقــــــــتلك
عجبي!!!

قلبي عليل يا ناس و في الكاس دواه
مديت له إيدي شربت م اللي حــــواه
جنبي الشمال خف .. اليمين اتــــوجع
و إيه يداوي الكبد م اللي كـــــــــــواه
عجبي!!!

دي مذكرات وكتـبـتـهـا من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقـلـت أمـا صـحـيـح كـلام مـخـبـولـيـن
عجبي!!!

دخل الشتا وقفل البيبان ع البـــيوت
وجعل شعاع الشمس خيط عنـكبـوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي!!!

- الدنـيـا مـن غـيـر الـربـيـع مــــــــيـته
ورقة شجر ضعفـــــــانه و مـــفـــــتــته
- لا يـا جـدع غـلـطـان تــأمــل وشـوف
زهر الشتا طالع فــــــــي عز الشـــــتا
عجبي!!!

ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!!

سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي!!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي!!!

جالك اوان وعرفت مشي الجنايــــــــز
كيف شفتها يا عبد رب اللذايــــــــــــذ
قال : شفت شيل بالحيل فقير أو اميـــر
كما شالوا في الخمامير فواضي القزايز
عجبي!!!

أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي!!!

يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. والفضل يرجع إليك
عجبي!!!

كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمــــــــــــــــــــوع
و ما لوش دوا غير لمسه من إيد حبيب
عجبي!!!

تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي!!!

بـحـر الـحـيـاه مـليان بغرقي الحياه
صرخت خش الموج في حلقي ملاه
قارب نجاه! .. صرخت قالوا مفيش
غـيـر بـس هـو الـحـب قارب نجاه
عجبي!!!

فـارس وحـيـد جـوه الدروع الحديد
رفرف عليه عصفور وقال له نشيد
منين منين .. ولفين ولفين يا جدع
قـال مـن بـعـيـد و لـسه رايح بعيد
عجبي!!!

كـان فـيـه قـمـر كأنه فرخ الحمام
علي صغره دق شعاع شق الغمام
أنـا كـنـت حـاضر قلت له ينصرك
إشـحـال لـمـا حـتـبـقي بـدر التمام
عجبي!!!

كـربـاج سـعـاده وقـلـبـي مـنـه انجـلد
رمـح كــأنـه حــصــان و لــف الـبـلـد
ورجع لي نص الليل و سألني .. ليه
خـجـلان تـقـول انـك سـعـيـد يـا ولد
عجبي!!!

مزيكة هادية الكون فيها انغـــــمر
وصـيـف و لـيـل و عقد فل و سمر
يـا هـلـتـري الناس كلهم مبسوطين
و يـا هلتري شايفين جمال القمر ؟
عجبي!!!

إنشد يا قلبي غنوتك للجمــــــــــــــــال
وارقص في صدري من اليمين للشمال
ما هو مش بعيد تفضل لبكره سعيــــــد
ده كل يوم فيه الف الف احتمــــــــــــال
عجبي!!!

آه لو انا و محبوبى جزنا الفضـــــا
في سفينة وحدينا .. واشيا رضـــا
ساعة صفا تعجبنا نرجع لهــــــــــا
و الهم قبل ما ييجي .. يبقي مضـى
عجبي!!!

أنا إله الوجد رب الهيــــــــــــــــام
أضرب بسهم الوهم وهم الغـــــرام
وهم الغرام من كتر ما هو لذيـــــذ
رشقت انا ف صدري جميع السهام
عجبي!!!

حدوته عن جعران و عن خنفســــــــــه
اتقابلوا حبوا بعض ساعة مســـــــــــــــا
و لا قال لهم حد اختشوا عيب حـــــرام
و لا حد قال دي علاقة متدنســــــــــــــة
عجبي!!!

ياللي عرفت الحب يوم و انطــــــــــــوي
حسك تقال مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
عجبي!!!

زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة؟
عجبي!!!

إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرفش .. أو باقـــــترب
عجبي!!!

يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي!!!

مرحب ربيع مرحب ربيع مرحبــــــــــه
يا طفل يا للي ف دمي ناغا وحبــــــــا
علشان عيونك يا صغنن هويــــــــــــت
حتي ديدان الأرض و الأغربــــــــــــــة
عجبي!!!

فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي!!!

غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون .. و ليــــــــه
رسمت ورده وبيت و قلب و علـــــــــــم
عجبي!!!

انا الذي عمري اشتياق في اشتيـــاق
و قـطـر داخل في محطة الـــــــــفراق
قـصـدت نبع السـم وشربت ســـــــــم
من كتر شوقي وعشمي في التريـــاق
عجبي!!!

انا الذي عشت الزمن مضيعـــــــــه
بروح حزينة معفنة مضعضعــــــه
زرعت شجرة سنط لجل انجــــــرح
لقتها شعر البنت و مفرعــــــــــــة
عجبي!!!

لـو فـيـه سلام في الأرض وطمان و أمن
لو كان مفيش و لا فقر و لا خوف وجبن
لـو يـمـلك الانسان مصير كل شـــــــــــئ
انا كنت اجيب للدنيا ميت ألف ابــــــــــن
عجبي!!!

العشب طاطا للنسايم و نـــــــــــــــــــــخ
أخضر طري مالهش في الحســـــــن أخ
عصفور عبيط انا .. غاوي بهجه و غنا
ح انزل هنا .. و انشا لله يهبرني فــــــــخ
عجبي!!!

أوصيك يابني بالقمر و الزهـــــــــــــور
أوصيك بليل القاهرة المسحـــــــــــــور
و إن جيت في بالك .. إشتري عقد فل
لأي سمرا.. وقبري إوعك تـــــــــزور
عجبي!!!

غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك . . تـقع
عجبي!!!

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي!!!

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي!!!

ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و ان هب فيك عفريت قتيل إسألـــــــــه
ما دافعش ليه عن نفسه يوم ما اندبح
عجبي!!!

ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعنيك مصيرالرجــــــال
المنفوخين في السترة والبنطلـــــون
عجبي!!!

خوض معركتها زي جدك ما خــــاض
صالب و قالب شفتك بامتـــــــــــعاض
هي كده .. ما تنولش منها الأمـــــــل
غـيـر بـعـد صـد ورد ووجـاع مخاض
عجبي!!!

كام اشتغلت يا نيل في نحت الصخور
مـليـون بـئـونـه و الف مليون هاتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
عجبي!!!

منين أجيبها كلمه متألـمـــــــــــــــــة
لعيبه فايره حايره و مصمـمــــــــــه
منين اجيبها كلمه تكون بنـــت ارض
تشفي اللي ما شافهوش كلام السمـا
عجبي!!!

أنا قلت كلمة و كان لها معنييـــــــــن
كما بطن واحده و توأمين زين وشين
لو دنيا شر .. التوأم الخير يمـــــــوت
لو دنيا خير .. الشر ح يعيش مــنين
عجبي!!!

أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي!!!

بره القزاز كان غيم و أمطار و بــــــــرق
ما يهمنيش – أنا قلت – و لا عندي فرق
غـيـرت رأيي بعد سـاعة زمـــــــــــــــــان
و كنت في الشارع .. و في الجزمة خرق
عجبي!!!

عيني رأت مولود علي كتف أمـــــــــــه
يصرخ تهنن فيه يصرخ تضــــــــــــمه
يصرخ تقول يا بني ما تنطق كـــــــلام
ده اللي ما يتكلمش يكتر همـــــــــــــه
عجبي!!!

يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي!!!

ياللي بتبحث عن إله تعــــــــــــبده
بحث الغريق عن أي شئ ينجـــده
الله جميل و عليم و رحمن رحــيم
أحمل صفاته .. وانت راح توجده
عجبي!!!

حقرا و فوق كوكب حقير محتقـــــــر
في الكون تكون دنياكو إيه يا بــــــقر
رملايه من صحرا؟ .. لكين إيش تقول
و الكون بحاله جوه عقل البشــــــر
عجبي!!!

لا تجبر الانسان و لا تخـــــــــيره
يكفيه ما فيه من عقل بيحيــــــره
اللي النهارده بيطلبه و يشتهــــيه
هو اللي بكره ح يشتهي يغيـــــره
عجبي !!!

طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي!!!

و لو انضنيت و فنيت وعمري انفرط
مش عاوز الجأ للحلول الوســـــــــط
و كمان شطط و جنون مانيش عــاوز
يا مين يقول لي الصح فين والغلــــط
عجبي!!!

عاد الربيع كأنه طعم الحــــــــــــــــــب
و الحب نار جوه العروق بتصـــــــــب
اتمتع ازاي بيه وانا متقطـــــــــــــــع
من كتر خوفي لا في الخطيئة يطب ؟
عجبي!!!

ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي!!!

عيني رأت عصفور ووياه ابـــــــــنه
بيحدفه في الريح و ياخده ف حضنه
نوبتين و تالت نوبه – عجبي عليهم
كـانـوا سـوا بـيرفرفوا و يغنـــــــــوا
عجبي!!!

احسن ما فيها العشق و المعشقــــــة
و شويتين الضحك والتريقـــــــــــــة
شفت الحياة لفيت لقيت الألــــــــذ
تغييرها و ده يعني التعب و الشقا
عجبي!!!

عجبي علي العجب العجيب العجاب
لـمـا الـحـقـيـقـة تـطـل بـعد احتجاب
وتروح و تحلا وفجأة تصبح مفيش
كمثل طراطيش بحر ياما خد و جاب
عجبي!!!

في الهو ماشي يا بهلوان إش إِش
يـا فـراشـة مـنقوشة علي كل وش
شـقـلـبـت عـقـلـي و عقلي شقلبني
و كـنـت بـاحسبني بقيت ما اندهش
عجبي!!!

وقفت ساعة الصبح باغسل سـناني
قـالـت لي شايف قوتي و لمـعـاني ؟
إيش تطلب اليوم مني ضحكة أسد ؟
والا ابـتـسـامـة اعلانات أمريكاني ؟
عجبي!!!

يا كل كلمة للعجب في قامــــــــــــوس
انـسـكـلوبيديا لسان العرب أو لاروس
تعالوا نجدة . ده لسه في عصـــــرنا
الشمس و البحر العريض بالفـــلوس
عجبي!!!

الموج تلول تهبط وتطلع تلــــــــــــول
يا بحر خدني الشط صاحبك ملـــــــول
و الا بلاش الشط ح اعمل به أيـــــــه
ده ريحته طحلب مهري و ام الخلــول
عجبي!!!

عيني رأت مخلوق في غاية البشاعة
أنا قلت له لما تأملته ساعـــــــــــــة
اللذه و الموت علموك اللــــــــــزج
وانا علموني الفلسفة و الشجاعــة
عجبي!!!

علقت في المسمار قناع مهزلة
ومعاه قناع مأساة بحزنه ابتـــلا
بصيت لقيتهم يشبهوا بعضهـــم
واهو ده العجب يا ولاد و الا فلا
عجبي!!!

غسل المسيح قدمك يا حافي القـدم
طوبي لمن كانوا عشانك خــــــــدم
صنعت لك نعليك أنا يا أخــــــــــــي
مستني إيه .. ما تقوم تدوس العدم
عجبي!!!

ما آنتاش بتلعب ليه يا روح بابــــا ؟
و لا عسكري و لا لص في عصابة ؟
إلعب أسد أو ديب رهيب أو غـــــزال
دي الدنيا في نهاية المطاف غابـــــة
عجبى!!!

ورد في ورق سلوفان يا حلوة اهديلك ؟
و الا انقله بالطين في الشتلة و اجيلـــــك
الأولاني لـــو وحا بحنـــــــــــــــــــــانــي
عجبي علي التاني بإيــــــــه يوحيلــــــــك
عجبي!!!

أنا قلبي كوكب و انطلق في المدار
حواليكي يا محبوبتي يا نور ونـــار
يلف مهمــــا يلف ما بيكتفــــــفيش
وتمللي نصه ليل و نصه نهــــــــار
عجبي!!!

الأرض شـوك أيـوه لــكـين هـايـش
و الحمرة مش يعني الطريق حايش
دي دمـنا السـيال .. وبشرة خيـــــــر
ان انتي عايشة و ان كنت أنا عايــش
عجبي!!!

إيه اللي خدته من مرور السنــــــين
يا قلبي الا دمعتك و الانيــأـــــــــــين
بتئن و ترجع و بتفرح و ترجع تحــن
مع إن مش كل البشـــــــــــر فرحانين
عجبي!!!

اوقات أفوق و يحل عني غـبــــــــــايا
واشعر كأني فهمت كل الخـبايـــــــــــا
و افتح شفايفي علشــــــان اقول الدرر
ما أقولش غير حبة غزل في الصبايــــا
عجبي!!!

يا وردة قلبي معاكي في الريح لعب
لا تعبتي م الريح و لا قلبي تعــــــــب
احنا كده : نرتاح في صخب الجنون
و في السكون بنخاف قوي و نترعب
عجبي!!!

مركب ورق من نفخة تـتـطـــــــــوح
ركـبـتـهـــا و الـكـل بـيــــــــــــــــلوح
سوحت فيها اتنين و خمسين سنــــه
للآن ..... و لا بتغرق و لا تـــــروح
عجبي!!!

عالجسر فت الصبح تحت الضباب
بين اللي لسه بينغرس و اللي طاب
ما اهتز قلبي لنبت طالع جديـــــــد
قد اللي ماشي .. وتحت باطه كتاب
عجبي!!!

يا خالق الكون بالحساب و الجبر
و خالقني ماشي بالختيار و الجبر
كل اللي حيلتي زمزمية أمـــــــل
وازاي تكفيني لباب القــــــــــــبر؟
عجبي!!!

بلياتشو قال إيه بس فايدة فنونــــي ؟
و تلات وقق مساحيق بيلونونـــــــي
و الطبل و المزامير و كتر الجعـــــــير
إذا كان جنون زبوني زاد عن جنوني
عجبي!!!

عيد و العيال اتنططوا ع القبـــــــور
لعبوا استغمايه .. و لعبوا بابــــــور
و باللونات و نايلونات شفتشـــــــي
و الحزن ح يروح فين جنب السرور
عجبي!!!

أنا قلبي كورة و الفراودة أكــــــــــم
ياما اتنطح و انشاط و ياما اتعكـــــم
و اقول له كله ح ينتهي في المعـــاد
يقول بساعتك ؟ و الا بساعة الحكم ؟
عجبي!!!

الضحك قال يا سم ع التكشيـــــــر
امشير و طوبه وانا ربيعي بشيـر
مطرح ما باظهر بانتصر ع العدم
انشالله أكون رسماية بالطباشيــر
عجبي!!!

يا ملونين البيض في شم النسيـــــم
لون الحنين و الشوق و خمر النديم
ما تعرفوش سايق عليكو النبــــــي
تلونوا الأيام بلون النعيــــــــــــــم ؟
عجبي!!!

الدنيا صندوق دنيا .. دور بعــــد دور
الـدكـة هي .. و هي كل الديكـــــــــور
يمشي اللي شاف ويسيب لغيره مكان
كان عربـجـي أو كان امـبـراطــــــــور
عجبي!!!

قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبى!!!

علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
عجبي!!!

أنا كان لي أب . و كان رئيس محكـــمه
ستين سنة .. في قضية واحدة أترمي
ستين سنة و طلع براءة و خــــــــرج
يشكي الحياة و الموت لرب السمـــــا
عجبي!!!

hala tags

1- How many advantages ( good qualities) u have ? ( just count )


2- how many disadvan u have ? 3eobak ( just count )

لو كان الواحد يقدر يعد الحاجات دى كان ت الحياة اختلفت كتير الواحد يقدر يعد مميزات وعيوب غيره او بيدعى دا لكن محدش يقدر يحدد عيوبه ع الاقل حتكون مسئلة نسبية

3- if u have to rename urself , wt ur name will be ?

كريم برضوا رغم انى مش شايفه لايق لما ابقى كبير كدا واسمى كريم بس رضوا كريم

4- what do u want to reborn as ? ( smth 3'er el human y3ne )

انسان برضوا بس لو مصممة نسر

5-when u was a chiled , kont bt7lm tkon 2eh ? (if haven't any dream , skip thise )

لا حاجات كتير دكتور وبعدين مهندس بس بعد اخويا بدأ يدرس كوبيوتر حبيت ان دا يبقى مجالى

6- how many years u want to live ?

لا عمرى مفكرت ف السوألأ دا يمكن عشان بايد ربنا وبس

7- how many people u really hurt ( 2zethom f3ln ) in ur life ?

ليه الاحراج دا للاسف كتير يمكن القلة بدون قصد ويمكن بعضهم طلعت غلطان بس الاغلب والحمد لله الزمن اثبتلى انى كنت ع صواب

8- how many people hurt u & thire behaviour change u to be worst ?

لا برضوا معرفش بس انا معترض ع صيغة السوأل لان لو حد جرحنى فهو عمره مغيرنى للاسوء لانى اتعلمت منه لانى بقدرالامكان بتعلم من اخطائى

9- as u have n number of disadv , would u like to change it all or part of it ? in another word , do u really regrets thise things?

لا امانع اذا كان هناك شخص ذو ثقة واثق ف رايه وحدد لى عيوبى لا امانع من محاولة الاصلاح

10- ur best color (s) at max 3 colors

الرمادى والازرق بجميع دراجتهم

11- do u ever do somthing knowing it's a wrong ? or do u repeats the same mistakes ?

ايوة للاسف

12-if u promise to not do smth , will you do it for any reasons ?

كنت اتمنى اقول لا بس للاسف حصلت

13- would u die for someone ? (to really replace someone in death )? if yes how many

ايوة

14- would u die after someone ? (not physically death but it's end of ur life ).

لا معتقدش تحصل لفرة طويلة لانى لو فعلا متأثر بيه يبقى هو عايزنى ابقى ف احسن حال مهما حصل

15- if u have to take decision in smth , & u have thise considerations

ur heart - ur brain - people - circumstances

sort them according to thire Priorities for u ..

brain -circumstances-heart-people

16- The most natural scenes Affects you ?

الشروق والفضاء والخضرة

17- The last thing u wish to see before u dead , or the last one ?

طفلة بنت ياريت لو كانت بنتى

18- what is in the top of ur dream list ? (mention at least one) ..

اكون مفيد لوطنى بأى شىء دا غير بقية الاحلام طبعا

19- mention two things from ur believes ( 7agat mn el donia like mbad2 mslan )?

من أحب الله رأى كل شيء جميلاً

ومن تكن العلياء همة نفسه فكل الذي يلقاه فيها محبب

للصمت أحياناً ضجيج.. يطحن عظام الصمت

للذكاء حدود لكن لا حدود للغباء

الحقيقة الشئ الوحيد الذي لا يصدقه الناس

واخيرا يكفى ان يحبك شخص واحد كى تعيش

20 - when u face a problem which make u feel lost , who is the first one u wish to see?

اولا بحاول يكون ربنا واتكلم مع حد من اسرتى او حد اصدقاءى حسب ظروف الموقف

21- what do u think in when u see thise words : (if it has special meaning for u )

Winter : cold

Autumn : sad

Summer : sea

Spring : flowers

Night : moon

Light : Hope

Window : air

Baby cried : pain

chiled who ask people for mony in metro msln: pain

smth broken : loss

empty street: run

22 ) life is a ... (life like wt in ur eyes just one reason for ur answer is enough)

الحياة مسرح كبيرة

23) if u have the following 3 doors each one give u a chance for smth , which door u will choose :

1- doorA : door let u see ur future and take u there directly

2- door B : door will take u to the past ( but u will not chnage ur fate , just bt3esh el mady tany )3- door C : door will make u change only one thing in ur life ( y7'lek t3'er 7aga w7da f mshklk w tfdl f ur current life)--

tell the reason for why u choose thise door :D it's important ..

للاسف مش عايز اى من هذه الابواب لانى سايب المستقبل لوقته ومش حعيش ف الماضى ومش مستعد اغير فيه حاجة لانى اتعلمت من كل شىء

25 ) r u from the kind of ppl who get optimistic or pessimistic from seeing something or someone ? if yes what is it ?

غالبا لا

26 ) do u think that ppl missunderstand u alot ? if yes , give %

مينفعش يتسال ف المطلق بس بما انه كدا يبقى ايوة 50ف المية

27) if i told u to sort the ppl u really know & admire in ur life , then give urself a place between them , wt will be ur order ?( 1'st , 2nd .... n )

......................................

28 ) finally , by which % u were sincerity in ur answers ?

99%

التاج الذهبى

قام احمد عيسوى بتمرير التاج الذهبى لى للاجابة ع هذه الاسئلة وسبحان الله دى المرة التالتة اللى اجاوب عليها كل ماجى اعمل بوست تحصل مصيبة ف الجهاز ربنا يستر المرادى بس التالتة تابتة اسف ع التاخير

أحب شخص لقلبك في الدنيا؟

الحب ليس كلمة انما افعال وبما انى متيقن ف قرارة نفسى انى لم اعمل لاى حب بما يتسحقه فلا استطيع ان اشخص احدا

انسان مستعد تضحي بحياتك – ركز فى كلمة حياتك – عشانه؟

عائلتى واصدقائى لا اقصد زملائى

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي

غليل قلبك؟
معتقدش ان وصلت بية لهذه المرحلة يمكن عشان بقدر انفس غضبى ف الوقت المناسب قبل ميتطور لهذا الحجم

ما هو اسم اجمل كتاب كتبه بشر قراته ومحتفظ به حتي الان؟

اسم كتاب كتبه بشر برضة- انت متعلق بيه وبتقرأه كل فترة؟

للاسف لم اعد اقرأ بنفس القدر يمكن لظروف خارجة عن أردتى لذلك لا استطيع الاجابة عن هذين السوألين ع الاقل دلوقت

اهم جهاز منزلى انت متعلق بيه او بتستخدمه كتير؟

زى مقال احمد الكوبيوتر بس لازم يكون متوصل بالنت

مكان تحس بالراحة عندما تدخله؟

بيتى – المسجد

شىء تحس بالراحة النفسية عندما تنظر اليه؟

الاماكن الفاضية –الخضرا –الشروق

مكان تحس فيه بالحنين الى شىء لا تدرى ماهو و ذكريات جارفة الى لاشىء؟

مش فاهم ازاى تكون ف ذكريات الى لا شىء بس الاجابة اى مكان يحمل لى ذكرى من اى نوع

اجمل مدينة زرتها داخل مصر؟
يعنى من المدينتين اللى زرتهم يبقى مرسى مطروح

أجمل مكان طبيعي رأيته داخل مصر؟

شاطىء عجيبة بمطروح

شخصية كارتونية بتحبه
لا مش عارف نسيت الحاجات دى من زمان

نوع هاتفك المحمول؟

نوكيا 2300

سرعة بروسيسور جهازك؟

2.4 gigahertz

حجم ذاكرة –هارد- جهازك؟

256 mb ram- 80 giga hard

المساحة التى تشغلها المواد الاسلامية على جهازك؟

5 giga

نفس المساحة السالف ذكرها فى قلبك -الاجابة لنفسك عشان الرياء يا اخواننا -؟.............................................................

أهم هدف انت واضعه لحياتك الآن؟
كتير بس احب احتفظ بيهم لنفسى ارجو الدعاء لكل من ف عقله اهداف تحمل الخير لهذه الامة

مواصفات فتاة الأحلام بالنسبة لك؟

سرى للغاية

صف ما يأتى:

شعورك لما بتسمع كلمة مصر؟

على اسم مصر التاريخ يقدر يقول ماشاء انا مصر عندى احب واجمل الاشياء
بحبها وهى مالكة الارض شرق وغرب وبحبها وهى مرمية جريحة حر

ببحبها بشدة وبخوف وع استحياء واكرها والعن ابوها بعشق زى الداء

شعورك لما بتسمع كلام عن اليهود؟

..............................................

شعورك لما بتشوف ظابط شرطة؟

انسان ومهنة لابد من وجود الصالح والطالح سنة الحياة

شعورك لما بتشوف الكناس العجوز فى الطريق؟

رجل استطاع ان يخدم المجتمع اكثر ممكا خدمته انا طيلة 21 سنة من عمرى

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

ليس المظهر هو مايمكن ان نحكم به عالبشر انما الشىء الوحيد الذى يتدخل ف هذا هو المضمون والجوهر

احساس يراودك فى اشارة مرور مغلقة بسبب مسئول كبير؟

مبقتش دى اللى تفرق بقت الحاجات الغلط كتير مجتش ع دى بس الحمد لله عندى القدرة انى انطلق ف خيالى استغلالا للوقت

What if everything that happens, happens for a reason?

هل يمكن أن تكون أنت هذا الشخص ؟؟

يخسر الإنسان عندما يظن أنه يستطيع أن يحصل ع كل شىء في هذه الدنيا عندما يظن أنه تحول من مجرد إنسان عادي إلى مركز لدوران الأحداث وأن كل تصرف أو فعل من أى شخص هو بمثابة اعجاب به أو كيدا له أو أي مشاعر ليس الغرض منه إلا هو برغم أنه قد يكون خارج تصورات أى من هؤلاء الأشخاص

ولو أن هذا الانسان أعمل عقله ولو لبرهة لوجد أنه بتفكير ليس بكثير يتناسب مع مالديه من معرفة وما أمامه من تصرفات يعنى أنه ليس محور اهتمام أو حتى نقطة في بحر اهتمام هؤلاء .
نعم هناك من يعتقد أنه قادر على أرضاء الناس جميعاً وأنه قادر أن تكون صورته أفضل في عيون جميع من حوله باختلاف تفكيرهم واسلوبهم فى الحياة
إن إعمال العقل من الأمور المهمة جداً في حياة أى انسان ووضع الذات في موضعها الحقيقى هو من أهم الأشياء التى تجعل الإنسان قادر على أن يتصف بصفة الإنسانية التي أهم مايميزها هو العقل والقدرة على استيعاب الواقع والرضا بما قسمه الله في كل شىء ، نعم البحث عن الأفضل لابد أن يلعب دوره ولكن ليكن هذا ف اطار من التمسك بمبدأ معين وليس التشتت بغرض الوصول إلى كل الأهداف لأن من يبحث عن الرضا الناس جميعاً لن يحصل على شىء .

لماذا ينظر إلى الذى أمامه على أن الذى أمامه انسان غير ذي عقل أو أنه لا يدرى؟! ماذا يجرى من حوله في حين أنه لو فكر ولو لثانية واحدة سيجد أنه هو الذى تاه في بحور من الوهم لمجرد أنه لايسمع إلا نفسه ولا يظن أن يمكن للأحداث أن تسير بعيد عنه

كن صاحب مبدأ احترم الآخرين ضع نفسك في مكانها الصحيح واحترم عقلية من حولك لأنهم قد يمتلكوا قدرة على فهم أو استيعاب ما يحدث بصورة أفضل ليس دائماً ولكن غالبا وخاصة عندما تكون مثل هذه الشخصيات لاتنظر إلا إلى نفسك وتضع نفسك في بؤرة لست صاحبها .
والأدهى أن مثل هذه الشخصيات تكذب على نفسها وتكذب عن لسان الآخرين ليس لشىء إلا أن يكون هو محور مايدور برغم أنها قد تكون تصرفات عادية جدا وأنه غير ذي بال من جميع من حوله بل وقد تصل إلى تغييره في الحقائق لتحقيق مصالح شخصية .

حدث ف يوم الذكريات

أجتمعت مع دفعتى دفعة حاسبات حلوان 2007 ف يوم من أفضل أيامى داخل هذا المكان يوم الصور التذكارية وليس هذا هو الموضوع ولكن موقف حدث ذكرنى بطفولتى عندما تجمعنا بعد يوم طويل من الضحك والمرح لنجتمع جميعا ف صورة للدفعة كاملة معا
وبدأنا ف انشاد الاغانى الوطنية بالذات واذا بنا جميعا ننشد النشيد الوطنى لمصر لا اعلم لماذا ولكن حدث هذا
وف وسط النشيد حدث مالم يكن يخطر لى ع بال حين انطلق صوتنا جميعا ينشده بطريقة خاطئة نعم بطريقة خاطئة نعم طريقة خاطئة عندما انطلقنا جميعا نقول بما فيهم انا

وعلى كلَ البلاد

نعم لا تخدعك عينك جميعنا قلناها كلَ بفتح اللام برغم وجود هذه ال على الكبيرة التى من المفترض انها حرف جر تجر مابعده
نعم حتى ف نشيدنا الوطنى نخطأ ف لغتنا الجميلة

تذكرت مدرس لغة عربية لن انساه ابدا استمرت رؤيتى خمس سنين دراسية كاملة من عمرى المرحلة الابتدائية ف صباح كل يوم اثناء انشاد النشيد مصمم ان يقطع النشيد الوطنى لاننا نخطأ ونرفع مجرورا والغريب ان رغم مجهوده الدؤوب كنا طيلة الخمس سنوات مصممين ان نننشدها قائلين

وعلى كلَ البلاد

واستاذ جمال استاذ اللغة العربية مصمم ان نعيد النشيد رغم انف الجميع

تذكرت هذا الموقف وانا اشاهد صور اليوم الجميل ف الاجمعة وتذكرت هذا الرجل الذى احترمه كثيرا

انتظر تعليقكم

للذكرى

بعد مكتير من اللى بحترمهم جدا جدا كلمونى وجها لوجه عن الموضوع السابق وبعد مقام صديقى وحبيب قلبى محمد دسوقى بتقديم بعض الاسئلة التى يريدنى ان ارد عليها قلت اكتب الموضوع دا يمكن الناس تقدر تعرفنى اكتر بس يارب ميزعلوش منى اكتر

1. List five things you learnt in FCI -not Technical?

1- تعلمت انه خير للانسان ان يكون كالسلحفاة في الطريق الصحيح ... على ان يكون غزالا فى الطريق الخطأ
2- تعلمت ان مفتاح الفشل هو محاولة ارضاء كل شخص تعرفه
3- تعلمت انه فى المدرسة او الجامعة نتعلم الدروس ثم نواجه الامتحانات أما في الحياة فاننا نواجه الامتحانات وبعدها نتعلم الدروس
4- تعلمت ان محادثة بسيطة او حوار قصير مع انسان حكيم تساوى شهر من دراسة
5- تعلمت انه اذا لم يجد الانسان شىء يموت من اجله ... فإنه فى اغلب الظن لن يجد شيئا يعيش من أجله

2. Five things you will miss in FCI?


1- المكان بكل مافيه من عيوب قبل مميزات لانى اشعر بحنين لهذا المكان الذى احتضنى 4 سنين
2- جلسة مع صديق يفهمك ويقدرك وينصت اليك قبل ان تنصت اليه
3- كل المواقف لانى بجد اتعلمت كثيرا من هذا المكان مما نمى من شخصيتى اكثر من كل دروس الدنيا
4- ابتسامة ابتسمتها مع اى شخص ف هذا المكان من القلب
5- والمترو حيوحشنى قوى واعتقد كمان عم جمعة


3. Best day in FCI Helwan?


كل يوم شعرت انى وفقت ف ان ارسم ابتسامة ع وجه اى زميل او زميلة او ان اقف معهم ف اى ظروف هو من اجمل ايامى وايضا لن انسى اى يوم جاء فيها شخص ورسم ابتسامة ع وجهى او ساعدنى او صرح لى بعيب ف من باب المودة والاخوة

4. Worst day?

انا عارف انكم بتقولوا حيبع ف السوأل دا كالعادة بس مش حقدر مقولش اللى ف نفسى فعلا ف ايام كتير كان من اصعب الايام منها
1- يوم تسليم مشروع التخرج لانه كان صدمة لى عندما يتخذ دكتور موقف من مشروع لمجرد انه لا يوجد ف اسمه او تفاصيله مالا يفهمه لمجرد انه يشعر انه شىء تافه كان لازم اختار اسم مشروع مجعلص ومليان اختصارات عشان يقدره
2- أصعب شيء في هذا العالم أن ترى أغلى وأقرب من تحب يرمي بنفسه في النار ولاتستطيع عمل شيء لسبب بسيط أنه لايريد منك التدخل
3- واصعب شىء لما حد تتأكد ان فلان دا مكنش بيبتسم ف وشك غير لمصلحة وانه يريد ان يبعد الى ان يحتاج اليك ف مصلحة اخرى ليس لكونك صديق او زميل بالرغم من انك كنت وفى له جدا ف الكثير الكثير من المواقف ولكن ماذا يمكن ان تقول له
4- عندما يسعى اشخاص لمصلحتهم الشخصية ف اى موقف مع الكلية لمجرد انهم انانيين او جبناء حتى لو لم نكن نصل الى نتيجة وشوف الصدف الشخص اللى اتكلمت عنه ف ثلاتة يكون معاهم (شخص معين تعيين دقيق واخرون)
5- كفاية كدا عشان نفرفش لا نسيت يوم مهم معلش يوم مشروع ال com+بعد مسلمت واكتشفت ان الكلية ف معظمها متعرفش اهم جزء ف المشروع بجد كرهت نفسى جدا ف اليوم دا لانى شعرت بذنب كبييييييييييييييييييييييييييييير

5. Best week?

لا مش فاكر بصراحة ف حاجات متفرقة كتير زى تسليم مشروع ال softwarebackage,mfc ,compiler,java وكل الايام اللى قضتها مع اعز الناس الى كريم زكريا ومحمد دسوقى ونوران

6.Best doctor, course, book, project?

Best doctor: د/ احمد الجارحى
Course: data Structure –Compiler
Book : image processing مش عايز شتيمة بقلوكم اهو
Project: softwarepackge – mfc –implementation of the gp


8. Best instructor?

استاذ ايمن وايهاب وعمرو وسمير واستاذة هالة

9. Best situation?
مش فاكر

10. Did you meet your sweet-half in FCI?

اعتقد انى اقدرت اقابل كل الصفات اللى اتمنى تكون ف نصى التانى من معاملاتى مع الكثير من الزميلات التى احترمهم جميعا لكن مينفعش الواحد يفكر ف الموضوع دا الا لما يبقى انسان مسئول

11. Did you regret for knowing someone in FCI?

اسف يادسوقى لو خدت اجابة السوألأ دا منك بالنص ولكنها اوفى اجابة

· بصراحه أسفت لمعرفة بعض الاشخاص ولو حتى لمجرد المعرفة السطحية _وهم زملاء وزميلات ولا داعى لذكر اسماء _ لانهم لم يروا منى غير كل خير وعاملونى بالعكس

12. What was your favorite place in the faculty?

برضوا حاخد الاجابة منك يامحمد معلش تعبك معاى

· هو عند معمل .3 لانه المكان اللى دايما بنقعد فيه أنا وكريم زكريا ودسوقى ونوران لانى بجد بحس بكيانى كله ف الوقت اللى بضحك مع المجموعة دى لاننا بجد بنعتز ببعض وبنتدبادل المشاعر الطيبة بدون اى نفاق او مصلحة وبيكشفولى عيوبى وبيوجهونى بيها كتير



13. What is the size of our digital photos on your hard disk?

ممكن تسألنى عدد الصور عندك كام لانهم ف الاغلب مش حيطلعوا كتير ومش حيبقى فيهم غير كريم ودسوقى تقريبا

14. What will you do in the last day?

اتمنى انه يكون يوم طيب واتمنى ان اى حد يفتكرلى ولو يوم حلو لو كنت استاهل ف نظره

15. What would you like to say to dof3tnaa?

شكرا ع كل شىء حلوه ومره بجد اتعلمت كتيير قوى

15. What would you like to say to dof3tnaa?

انتوا بجد ف مكان يجب ان تفخروا بوجودكم فيه

17. What would you like to do if you found the today's date is 2003-ya3ny lo reg3t lesnah ola bel3fyah ?

حختار كل تصرف وكل شخص وكل سكنة حدثت لى ولو عدت الف مرة


يارب اشهدك انى قد سامحت جميع من عرفتهم ف الكلية من كل قلبى

مع الاعتذار للجميع نعم لن اشتاق اليكم

مع الاعتذار للجميع نعم لن اشتاق اليكم

ارجو ممن يبدأ ف قراءة هذا الموضوع ان يتحملنى ويؤمن ان لكى شخص عيوبه ولكن المهم هل نستطيع ان نتعايش مع مثل هذا العيب ام لا حيث انه لايوجد شخص كامل ف الكمال لله وحده
نعم لن اشتاق اليكم بعد مارأيت الكثير من الزملاء يتحدثون عن ان الوقت قد حان لنغادر كليتنا الذى كانت مكان لنا جميعا لمدة اربع سنوات متواصلة نقضى فيها اكتر مما نقضى ف بيوتنا ومع اهلنا رأيت الكثير منهم يبكون هذه الايام ويعتذرون او يطلبون المسامحة او يطلبون ان نمرح معا هذه الفترة كى نتذكر بعضنا البعض بالكثير من الخير وان نكون معا وزى مبيقولوا نعمل fun day او نعمل كتاب ليذكر كل منا الاخرين بالخير وقد جائنى اشخاصا اعتز جدا بمعرفتهم وطلبوا منى ان اشارك ف هذه النشاطات التى يشترك فيها اغلب ابناء دفعتى التى اقدر بعضهم ورأيت من بدأوا فعلا ف التصوير سويا او ف بعض النشاطات من هذا القبيل بحجة اننا سوف نخرج من هذا المكان وسوف نشتاق الى بعضنا وسوف نحزن لمغادرة هولاء الذين عشنا معهم جزء ليس بقليل من حياتنا
ولكن
اسف لن اشتاق اليكم
هذه هى الحقيقة لن اشتاق اليكم سامحونى واسمعونى حتى النهاية
لاانكر انى تعلمت كثيرا من هذا المكان ولا انكر انى اكن لبعض منكم حتى الذين اصبحوا لايمثلون لى اى شىء بسبب بعض المواقف الجارحة لى سواء بعلموا او لا انهم جرحونى ولا انكر انى قد اكون جرحت الكثير منكم سواء عن قصد او دون قصد واعلم للاسف انى قادر ع تكوين عدائات اكثر من تكوين صداقات ولكن عزائى الوحيد الذى لا اؤمن به ان اناس ثقة بالنسبة لى دائما يروا معى الحق ولكن
"رأىى خطأ يحتمل الصواب وراى غيرى صواب يحتمل الخطأ"
نعم لن اشتاق الى ايام كنت اشعر فيها بنفاق وابتسام ف الوجه ولكن مايكنه الصدر اكبر لا اقول انى عالم بصدور الناس ولكن هناك من المواقف التى تحدث امام عينك التى لايمكن ان تقول ان هذا هو التعامل
كيف يقول البعض انه سيشتاق الى وهو لا يعرفنى اصلا لم يتحدث معى لم يتعرف على بل بالعكس قد يكون حدث بيننا الكثير والكثير
ايوة انا عارف ان دا عيب بس انا مش قادر اصفى نفسى من ناحية الناس من الانانية من النفاق من المصلحة نعم اعلم ان هذا عيب وعيب خطير بس للاسف لى ذاكرة قوية لا انسى ماحدث من احداث سيئة مع الاعتراف بالايام الجميلة
ولكن
مع من منكم كانت ايام جميلة نعم مع كثيرين ولكن ستبقى الذكريات بكامل انواعها السىء قبل الجميل
مع العتذار للجميع لن اشتاق اليكم
لقد استمريت ف مناقشة هذه الفكرة مع اسرتى لمدة يوم كامل والله العظيم زى مبقولكم كدا
اتهمونى بانى جامد منعزل لا استطيع ان اكون علاقات
ولكن هناك منكم من يعرفون من انا ويمرحون معى واعتز بهم جدا منهم من ستستمر علاقتى معهم الى الابد ومنهم من لن انساهم ابدا حتى لو انفصلنا ومنهم من احترمهم ولكن لا اريد ان اقترب منهم وارجو ان تتحملونى لكى انقل شىء لا استطيع نسبه الى نفسى قبل ان اكمل حوارى معكم


البعض نحبهم


البعض نحبهم
لكن لا نقترب منهم.. فهم في البعد أحلى..
وهم في البعد أرقى.. وهم في البعد أغلى ..


والبعض نحبهم
ونسعى كي نقترب منهم ونتقاسم تفاصيل الحياة معهم
ويؤلمنا الابتعاد عنهم ويصعب علينا تصور الحياة حين تخلو منهم ..


والبعض نحبهم
نعيش حكاية جميلة معهم ونتمنى أن نلتقي بهم ونفتعل الصدف
ونختلق الأسباب كي نراهم ونعيش في الخيال أكثر من الواقع معهم .


والبعض نحبهم
لكن بيننا وبين أنفسنا فقط فنصمت برغم ألم الصمت فلا نجاهر بحبهم
حتى لهم لأن العوائق كثيرة والعواقب مخيفة ومن الأفضل لنا ولهم
أن تبقى الأبواب بيننا وبينهم مغلقة ..


والبعض نحبهم
فنملأ الأرض بحبهم ونحدث الدنيا عنهم ونثرثر بهم في كل الأوقات
ونحتاج إلى وجودهم.. كالماء.. والهواء.. ونختنق في غيابهم أو الابتعاد عنهم .


والبعض نحبهم
لأننا لا نجد سواهم وحاجتنا إلى الحب تدفعنا نحوهم.. فالأيام تمضي..
والعمر ينقضي.. والزمن لا يقف.. ويرعبنا بأن نبقى بلا رفيق ..


والبعض نحبهم
لأن مثلهم لا يستحق سوى الحب ولا نملك أمامهم سوى أن نحب..
فنتعلم منهم أشياء جميلة ونرمم معهم أشياء كثيرة..
ونعيد طلاء الحياة من جديد ونسعى صادقين كي نمنحهم بعض السعادة ..


والبعض نحبهم
لكننا لا نجد صدى لهذا الحب في قلوبهم..
فننهار وننكسر ونتخبط في حكايات فاشلة..
فلا نكرهم.. ولا ننساهم.. ولا نحب سواهم..
نبكيهم بعد كل محاولة فاشلة

انا ادعى ان قليلين مما يمارسوا نشاطات اخر العام دى بيحبوا بعض قليلين الذين يعلموا عن بعض اى شىء قليلين من تشاركوا ف احلامهم ومتاعبهم ومشاعرهم ولا اتكلم عن الهزل لانى اثق ان كثيرين تشاركوتا فيه ولكن كيف تكون صداقة هزل فقط كيف
"صديقك من يصدقك "

اسف لن اشتاق اليكم لن اشعر للحنين الى هذا المكان اعلم ان لى ذكريات كثيرة فيه ولكنى اشتاق الى المستقبل الى حياة جديدة اتمنى ان تكون افضل اتمنى ان اكون قادرا ع ان تكون نفسى اصفى

اختلفت مع اسرتى كثير لانى لا استطيع ان اصفى من ناحية من اختلفت معهم ليس لاعتزازى برأى ولكن لاهانتهم لى
ف الحوار قلت ان كل متفعلوه هذا لا يمثل لى شىء بل بالعكس بيعكر مزاجى فوق متتخيلوا لا بل بيدمرنى فوق متتخيلوا

لن انسى اياما رأيت فيها ابشع التصرفات ولكن اتعرفون عرفت اشخاصا اعتز بهم جدا خارج او داخل هذا المكان كانوا قادرين ان يثبتوا وجهة نظرى
"يكفي أن يحبك قلب واحد لكي تعيش"

نعم لم اشعر معك بالامان لما اشعر به كانت لحظات حزنى اكثر من لحظات سعادتى

وبعد ان انتهى نقاشى مع اسرتى ع هذا وع انى لن استطيع ان اعيش وسط مجتمع لانى قد اواجه مشاكل مع ناس كتيرة ولكنى لا استطيع ان انفق احدا وابتسم ف وجه وانا ابغضه
وانى قادر ع جذب القليل القليل الى ولكن لا اقدر ع التعامل ف مجاميع
انى دائما من يكرهوننى او قل من لا اعنى لهم شىء ف اى مكان اكثر ممن يحبوننى
وبعد ان ايقنت ان لكل شخص قدرات وانى مكتفى بوجود قلائل يبادلوننى مشاعر طيبة ويصدقوننى لان
صديقك من يصدقك وليس من يضحك ف وجهك بنفاق

بعد هذا كله وبعد صراع طويل مع النفس شعرت بغصة لم اشعر بها من قبل هل لا استطع ان اسامح هل انا غير قادر ع هذا هل زى ماسرتى قالت اذا كنت وحدك فأنت ف الاغلب غلط لا اعلم

المهم انى سأحاول ان اسامح الجميع وادركت شيئا
1-هناك من لن استطيع ان ابعد عنهم من اكن لهم كل احترام واحبهم من كل جوارحى ولا اتعقد انى لن لن اسال عنهم فيما بعد بل بالعكس قد اكون معم طول الوقت
2-هناك من احترمهم ولكن هذه العلاقة لن تمتد بعد الان وهؤلاء قد يكونوا اكثر من الفئة الاولى لم يضرونى وابتسمت معهم بصدق وتبادلنا المشاعر الطيبة
3-اشخاص سعدت بالتعامل معهم ليس لشى ولك لانهم ببغضى لهم علمونى الكثير علمونى ما يجعلهم يكرهون انفسهم لانهم علموا شخصا يبغضوه شكرا ايها الاعداء

اسف ولكن لن اشتاق اليكم

لغتنا الجميلة

ابدأ اول مواضيعى بعدما استمر مشاهدتى للكثير من المدونات او المجموعات البريدية سواء مع زملائى ف الكلية او مع اى اخوة اخرين من الدول العربية ولقد انتابنى الم كبير اثناء ملاحظتى لما يحدث هنا ع الصفحات الاكترونية ف مجتمعاتنا العربية لا اتكلم عن صراع الاراء او الاختلاف الذى اصبح يفسد للود قضية او الاهتمام بتوافه الامور فأن هذا ليس بزمان يساعدنى ع كتابة رأى ف هذه المواضيع ولكنى بصدد الحديث عن شىء قد يعتقد البعض انه بغير زى بال ولكنى أرى ان من اول صور الاحترام للذات وحب الوطن الذى ننتمى له الذى هو جزء منا والذى يدعى البعض انه يحب هذا الوطن ويريد ان يبذل كل شىء ف سبيل ان يجعله افضل من ما هو عليه انا لا اقصد ان اهاجم احدا بعينه ولا انكر انى قد اقع ف هذا ف وقت من الاوقات ومادفعنى الى التحدث عن هذا انما هو رؤيتى لكثير من الزملاء والزميلات التى ارى فيهم امل كبير لهذه الامة لهذا الوطن لكى يستعيد امجاده ولا يحدث هذا الا باحترمانا لهويتنا العربية وبلغتنا الجميلة ولا نحرفها بأى صورة من الصور الا تروا معى ان هناك الكثير من الذين حاولوا بالحروب أن يغيروا ف اوطاننا وكان اهم المحاولات هى تغيير هويتنا عن طريق تغيير لغتنا ونجحوا ف بعض الاقطار العربية ولكنهم لم ينجحوا مع بلادنا التى ادعى ان كل منكم يشعر بالانتماء ولو بنسبة ضئيلة لها ولكنهم الان بعد ان تفوقوا علينا ف كل شىء استطاعوا ان يغيروا من لغتنا الجميلة ف تعاملاتنا بحجة ان مجالنا او وسائل الاتصال الان لا تتناسب مع لغتنا وهذا كلام غير صحيح ع الاطلاق لان لغتنا هى من اكثر اللغات ثرائا وقادرة ع استيعاب اى مصطلاحات جديدة ولا ادعى انى مع ما يحدث من ترجمة ركيكة ف مجالنا واقصد هنا الكوبيوتر والتكنولوجيا بوجه عام لان لاصحاب هذه اللغات الحق ف التحكم فيها ف المجالات التى كان لهم الفضل بدرجة كبيرة ف ابتكارها ولكن مايمكن ان يقال بخصوص هذا انهم استحقوا ذلك لانهم عملوا وبذلوا المجهود ولكن ماذا عنا السنا قادرين ان نصنع مجدا خاصا بنا لنستحق ان نبنى او نصل لما وصلوا له

لقد استمر من سبقونا يحافظوا ع هويتنا العربية ولم يحرفوا فيها ولكنى ارى اننا بدأنا ف اهانة لغتنا لغة القرآن حينما نتعامل معها ع انها لغة من الدرجة الثانية انا لا اعنى ان لا نتعلم اهم لغة ف العالم الان ليس هذا ما اعنيه ان مااعنيه انه اذا كانت هناك ضرورة لاستخدامها فلنستخدمها لكن يجب ان يكون هناك انتماء الى لغتنا الحبيبة ولا نحولها الى مجرد الفاظ ونحولها لدرجة انها اصبحت تكتب بحروف باقى اللغات وارقامها اليس هذا يدل ع اننا لا نريد رفعة لهذه البلاد اوصل الحد الى ان نحول لغتنا ونبيعها بارخص الاثمان تحويلها الى ارقام ف لغة اخرى اسلوب ادعى انه من اسوء مايكون

ارجوا ان لايتخذ احد منى موقف المهاجم لانى ارى اننا حينما نحترم لغتنا فاننا نحترم انفسنا احترم لغتك احترم وطنك حتى تستطيع ان تلفى من حياتنا اى لغة اخرى لا تتناسب وهويتنا حتى نستطيع ان نبنى وطننا معا

واريد ان اضع مثال امام اعينكم لاريم كيف هانت علينا انفسنا لهذا الحد اعطيك مثال بدولة حافظت ع لغتها ولا يسمح مواطن فيها بان يتعامل باى لغة اخرى غير لغة بلاده انهم الفرنسيين اتحدى منكك من رأى فرنسيا يتحدث بغير لغته حتى لو ف عقر دولة الانجليز نفسها ولكنا نتفاخر باننا نستطيع ان نغير من لغتنا لنتوائم مع الجميع ليس هذا وحسب بل اننا بدانا ف نسيان روفها بتحويلها الى ارقام انجليزية بدعوى الحفظ عليها وهى دعوة غير صحيحة

ارجو ان اكون قد اوصلت الفكرة وان لم تكن وصلت فيكفينى انى قد عبرت عن ما ف داخلى ارجو التعليق
بس ميكونش الرد انى مش عارف اكتب عربى كويس لانى ع الاقل بحاول

ع اسم مصر التاريخ يقدر يقول ما شاء انا مصر عندى احب واجمل الاشياء

بحبها وهى مالكة الارض شرق وغرب وبحبها وهى مرمية جريحة حرب

بحبها بشدة وبخوف وع استحياء واكرها والعن ابوها بعشق زى الداء

انا شاب لكن عمرى ولا الف عام

وحيد ولكـــن بين ضلوعى زحام

خــــايـــف ولــكن خوفى منى انا

اخرس ولكــــــن قلبى مليان كلام